Do hamme uns jefreut!!
Wochelang hätt Herr Freund met ose Pänz jeüb. Beim Mundartwettbewerb am 16.12.2015 moss me jett op platt vürlese könne. Me darf och jet usewendich saare oder jet sönge.
Mir hatten sechs joode Pänz, die wollten jern bei dem Wettbewerb metmaache.
Usem zweite Scholljohr waren datt der Samuel Gehrke, der Anton Stein, der Conrad Ulrich un der Fabian Bois. Usem dritte Scholljohr et Iris Felde nun usem vierte Scholljohr der Ansgar Ulrich.
Jeder von denne moot janz alleen für die Jury. De Ansgar hätt zwei Leedche opp Platt jesonge. Die andere hann jelese oder e Jedich opjesaat.
Dann koom die Siejerehrung. Mir wore all jespannt. Als dä Landrat verkünd hätt, datt der Fabian Bois in singer Jrupp de 1. Preis jemäät hatt, woare me all usem Hüüsje!!
Un der Ansgar Ulrich hätt in singer Jrupp de 2.Preis jemäät. Mir han jeklatsch wie jeck.
Ose Schulchor hätt noch Leedche op platt jesonge. Dä Landrat un die Lück von der Jury han sich jefreut, datt et noch Pänz jitt, die platt spreche künne.
